काठमाडौं, १२ भदौ । एकीकृत समाजवादीका नेता झलनाथ खनालले नेपाल–चीन सम्बन्ध ऐतिहासिक मित्रता र आपसी विश्वासमा आधारित रहेको बताउनुभएको छ । नेपालस्थित चीन संस्कृति केन्द्र र आन्हुई प्रान्तीय संस्कृति तथा पर्यटन विभागद्वारा आयोजित ‘विश्वसँगको संवादमा सुन्दर आन्हुई’ प्रवद्र्धन सम्मेलनको हिजो आरम्भगर्दै उहाँले दुई देशबीच पर्यटन, संस्कृति, भाषा, साहित्यलाई आदान–प्रदानगरी सम्बन्धलाई थप विस्तारगर्न सकिने विश्वास व्यक्त गर्नुभएको थियो । पूर्वप्रधानमन्त्री खनालले नेपालमा पनि चीन, आन्हुईजस्ता प्रान्तीय–स्तरका सहकार्य कार्यक्रमले द्विपक्षीय सम्बन्धलाई नयाँ आयाम दिने बताउँदै यसले जनस्तरमा पनि सम्बन्ध बलियो बनाउने उल्लेख गर्नुभएको थियो ।
कार्यक्रममा आन्हुई प्रान्तीय जन सरकारका भाइस गभर्नर सन योङले आन्हुई प्रान्तीय भाइस गभर्नर सन योङले संस्कृति र पर्यटनको अनुपम नमुनाकारुपमा आन्हुईलाई विकास गरिएको बताउँदै काठमाडौं र आन्हुईबीच प्रत्यक्ष सहकार्य विस्तारमा जोड दिनुभएको थियो । नेपालस्थित चिनियाँ राजदूत चेन सङले नेपाल–चीनको सम्बन्धलाई अझ सबल बनाउन आन्हुई प्रवद्र्धन सम्मेलनले योगदानगर्ने विश्वास व्यक्त गर्नुभएको थियो ।
आन्हुई प्रान्तको सांस्कृतिक सम्पदा, पर्यटन गन्तव्य, लगानी अवसर र ‘ग्रान्ड ह्वाङ्सान’ ब्रान्ड विश्वसामु प्रस्तुत गरिएको थियो । विशेषगरी ह्वाङ्सान पर्वत, सिडी–होंगछुन गाउँ जस्ता युनेस्को विश्वसम्पदा क्षेत्र, चिया संस्कृति, ग्रामीण पर्यटन र आधुनिक लगानी वातावरणबारे प्राविधिक प्रस्तुति गरिएको थियो । सम्मेलनमा नेपाली सरकारी निकायका प्रतिनिधि, पर्यटन व्यवसायी, उद्योगी–व्यापारी, शैक्षिक क्षेत्रका व्यक्तित्व तथा सञ्चारकर्मीहरुको सहभागिता थियो ।
