काठमाडौं,११ । आज काठमाडौंमा अन्तर्राष्ट्रिय महिला सेमिनार शुरु हुँदैछ । राजमोकी उपाध्यक्ष तथा प्रबक्ता र उक्त संगठनको एशिया कोअर्डिनेटर दुर्गा पौडेलले उपरोक्त जानकारी दिनुभएको हो । उहाँका अनुसार आज विहान १० बजेदेखि अप्रान्ह १२ बजेसम्म सेमिनारको उद्घाटन कार्यक्रम रहेको छ । कार्यक्रम काठमाडौंको बुढानिलकण्ठ नगरपालिका–१० स्थित सुकुण्डा बेङ्क्वेटको हलमा हुनेछ । सेमिनारमा करिब ४०० महिला प्रतिनिधिको उपस्थिति रहने अपेक्षा गरिएको छ । आज दिउसो १२ बजेपछि पूर्व निश्चित कार्यक्रम अनुसार क्रमशः अन्तक्र्रिया कार्यक्रमहरु सञ्चालन गरिने छन् । हिजो को अर्डिनेशन कमिटीको बैठक बसी बिभिन्न विषयमा छलफल गरिएको थियो ।
कार्यक्रम कसरी अनुशासित, सुरक्षित र मर्यादित रुपमा सम्पन्नगर्न सकिन्छभन्ने विषयमा केन्द्रित रहेको थियो । त्यसैगरी सेमिनारलाई कसरी प्रभावकारी बनाउने भन्नेबारे पनि छलफल भएको थियो । सेमिनारमा प्रतिनिधिहरुले महिला अधिकार, साम्राज्यवाद, पर्यावरणलगायतका बिभिन्न विषयमा छलफलगर्ने कार्यक्रम रहेको छ । कार्यक्रममा नेकपा (मसाल), क्रान्तिकारी कम्युनिष्ट पार्टी नेपाल, नेपाल कम्युनिष्ट पार्टी (माओवादी), नेपाली कम्युनिष्ट पार्टीसम्बद्ध महिला संगठन लगायत अन्य वामपन्थी पार्टी निकटका महिला संगठनहरुबाट प्रतिनिधित्व रहने छ । कार्यक्रम आगामी १३ गतेसम्म चल्ने छ ।
