काठमाडौं,११ मंसिर । काठमाडौंको बुढानिलकण्ठ नगरपालिका–१० स्थित सुकुण्डा बेङ्क्वेटको हलमा अन्तराष्ट्रिय महिला सेमिनार जारी छ । कार्यक्रम आगामी १३ गतेसम्म चल्ने छ । आजको पहिलो सेसनमा ‘साम्राज्यवादलाई कसरी परास्त गर्ने’ विषयमा राजमोकि उपाध्यक्ष तथा प्रबक्त दुर्गा पौडेलले कार्यपत्र प्रस्तुत गर्नुभएको छ । सेमिनारको प्रत्येक ब्लकमा हरेक दिन एक एकवटा ब्लक, हरेक ब्लकमा पाँच,पाँचवटा कार्यपत्र प्रस्तुत हुने कार्यक्रम रहेको छ । प्रस्तोतालाई १० मिनेट र बाँकी दुईघण्टा सहभागीहरुलाई छलफलको लागि तीन मिनेटको समय हुने एशियन को–अर्डिनेर दुर्गा पौडेलले समाचारदाताहरुलाई जानकारी दिनुभएको छ । त्यस्तै आजै साँझ चारबजेदेखि छ बजेसम्म ‘गाजा सोलिडारिटी’ गाजाको ऐक्यवद्धताबारे गित, व्यानर, फोटो आदिको क्रमिक प्रदर्शन गरिने भएको छ । सबै संगठनहरुलाई एक,एकवटा कार्यक्रम प्रस्तुतगर्न पाउने व्यवस्था गरिको छ ।
प्रत्येक टिमहरूलाई पाँचदेखि आठ मिनेट समय व्यवस्था गरिएको छ । पहिलो र चौथो ब्लक दुर्गा पौडेल, दोश्रो, तेश्रो र पाचौँ ब्लक अन्य विभिन्न देशबाट आएका प्रतिनिधीहरुले प्रस्तुत गर्नेछन् । सेमिनारमा करिब ४०० महिला प्रतिनिधिको उपस्थिति रहेको बताइन्छ । हिजो कोअर्डिनेशन कमिटीको बैठक बसी बिभिन्न विषयमा छलफल गरिएको थियो । कार्यक्रम कसरी अनुशासित, सुरक्षित र मर्यादित रुपमा सम्पन्नगर्न सकिन्छभन्ने विषयमा केन्द्रित रहेको थियो । त्यसैगरी सेमिनारलाई कसरी प्रभावकारी बनाउने भन्नेबारे पनि छलफल भएको थियो । सेमिनारमा प्रतिनिधिहरुले महिला अधिकार, साम्राज्यवाद, पर्यावरणलगायतका बिभिन्न विषयमा छलफलगर्ने कार्यक्रम रहेको छ । कार्यक्रममा नेकपा (मसाल), क्रान्तिकारी कम्युनिष्ट पार्टी नेपाल, नेपाल कम्युनिष्ट पार्टी (माओवादी), नेपाली कम्युनिष्ट पार्टीसम्बद्ध महिला संगठन लगायत अन्य वामपन्थी पार्टी निकटका महिला संगठनहरुबाट प्रतिनिधित्व रहेको छ ।
