काठमाडौं,१४ मंसिर । जिल्ला प्रशासन कार्यालय काठमाडौंमा दर्ताभएका संघसंस्थाका पदाधिकारीहरुले आर्थिक तथा प्रशासनिक अनियमितता गरेको गुनासो बढेपछि छानबिन थालिएको छ । काठमाडौंका सहायक प्रमुख जिल्ला अधिकारी एवं प्रवक्ता खिमराज भूसालले अनियमितताको गुनासो बढेपछि छानबिन थालिएको बताउनुभएको छ ।
उहाँकाअनुसार हाल काठमाडौंमा दर्ताभएका केही संघसंस्थामा विधान विपरीतका गतिविधि हुने गरेको, कार्यसमितिले मनोमानी ढंगबाट कार्यगरेको, आर्थिक अनियमितता हुने गरेकोलगायत विषयमा पटकपटक गुनासा आएका छन् । ती गुनासा तथा उजुरी सम्बोधनगर्न समिति बनाएरै छानबिन थालिएको छ । प्रवक्ता भूसालले गुनासा सम्बन्धमा छानबिनगरी प्रतिवेदन पेशगर्न जिल्ला प्रशासन कार्यालयका प्रशासकीय अधिकृतको संयोजकत्वमा तीन सदस्यीय समिति गठन भएको र समितिले काम थालिसकेको जानकारी दिनुभएको छ । रासस
