काठमाडौं,१४ मंसिर । एमालेको आगामी २७–२९ मा काठमाडौंमा हुने ११ औँ राष्ट्रिय महाधिवेशनका लागि देशैभरि प्रतिनिधि छनोट कार्य सम्पन्न भएको छ । महाधिवेशनका लागि हिजो देशभरि शान्तिपूर्णरुपमा करिब दुई हजार २०० प्रतिनिधि छनोट भएका हुन् । एमाले प्रचार विभाग प्रमुख राजेन्द्र गौतमले सबैजसो कमिटीमा प्रतिनिधि छनोट सम्पन्न भएको बताउनुभएको छ । उहाँले धेरैजसो कमिटीमा सर्वसम्मतरुपमा प्रतिनिधि छनोट भएका छन् । केही ठाउँमा निर्वाचनको माध्यमबाट प्रतिनिधि छनोट भएका छन् भन्नुभएको छ ।
उहाँले छिटफुटरुपमा रोकिएको प्रतिनिधि छनोट प्रक्रिया पनि निर्वाचनबाट टुंग्याउने निर्देशन दिएको बताउनुभएको छ । उहाँका अनुसार एक प्रतिनिधि निर्वाचन क्षेत्रबाट खुला, महिला र युवागरी चार जना प्रतिनिधि छनोट भएका छन् । हिजो छनोट भएका प्रतिनिधि विवरण भोली मंसिर १५ गतेभित्र पार्टी केन्द्रीय कार्यालयमा पठाइसक्न एमालेले निर्देशन दिएको छ ।
