काठमाडौं,१२ मंसिर । बिभिन्न पार्टीका बिद्रोह गरेर आएकाहरुलाई जोडजाड गरेर गठन गरिएको पुष्पकमल दाहाल नेतृत्वको नेपाली कम्युनिष्ट पार्टीबाट फेरी नेताहरु अलग हुनेक्रम शुरुभएको छ । हिजोमात्र तीनजना केन्द्रीय सदस्यसहित १० जनाले सो पार्टी परित्याग गर्नुभएको छ । प्रेस विज्ञप्ति जारीगर्दै सो पार्टीका केन्द्रिय सदस्यहरु वामदेव क्षेत्री, गोविन्द केसी र किस्मत विक, प्रदेश कार्यालय प्रमुख सचिव यज्ञ पोख्रेल, लुम्बिनी प्रदेश सदस्यद्वय कृष्ण भण्डारी र भक्तबहादुर पुनलगायतले सो पार्टी परित्याग गरेर अभियाननै थाल्नुभएको बताइन्छ ।
पुष्पकमल दाहालले आगामी निर्वाचनलाई ध्यानमा राखेर माओवादी केन्द्र र माओवाद परित्यागगर्दै पूर्ब एमालेहरुसँग मिलेर नेपाली कम्युनिष्ट पार्टी गठन गराउनु भएको थियो । सो पार्टीमा दाहाल र नेपालसँग फरक मत राख्ने झलनाथ खनाल, बामदेव गौतम र डा. भीम रावल सक्रिय हुनु भएको छ । आगामी निर्वाचनसम्ममा उहाँहरु पनि अलग हुने संभावना रहेको राजनीतिक क्षेत्रमा चर्चाको बिषय भएको छ ।
