काठमाडौं, १३ मंसिर । मिडभ्याली माध्यमिक बिद्यालय कलेज भक्तपुरले आयोजना गरेको दुइदिने अन्तर बिद्यालय प्रतियोगात्मक विज्ञान तथा सूचना प्रविधि प्रदर्शनी–०८२ मा थिमिस्थित ग्लाडस्टोन एकेडेमीले प्रथम स्थान हाशिल गरेको छ । हिजो सम्पन्न प्रदर्शनीको समापनमा एकेडेमीले प्रथम स्थान हाशिलगर्दै ३० हजार नगदसहित ट्रफी र मेडल हातपारेको मिड भ्याली कलेजका निर्देशक कमल अर्यालले जानकारी दिनुभएको थियो । प्रदर्शनीमा सहभागी संस्कार गुरुकुल स्कूलले दोश्रो स्थान हाशिलगर्दै २० हजार नगदसहित ट्रफी र मेडल हातपारेको छभने नेपाल पुलिस स्कूलले तेश्रो स्थान हाशिल गर्दै १० हजार नगदसहित ट्रफी र मेडल प्राप्तगर्न सफल भएको छ । प्रदर्शनीमा सहभागी बिद्यार्थीले भोटगरेको आधारमा प्रदर्शनरत उपकरण एवं सामग्रीमध्येबाट एभरेष्ट इङ्लिस स्कूलले पाँच हजार नगदसहित ट्रफी र मेडल प्राप्तगर्न सफल भएको छ ।
प्रदर्शनीमा बिभिन्न बिद्यालयमा अध्ययनरत बिद्यार्थीले विज्ञान र सूचना प्रविधितर्फको नविनम प्रयोगलाई जोडदिदैँ निर्माण गरेका स्मार्ट सिटी, वाटर सिस्टम, वाटर पोलुसन, स्मार्ट होम लगायतका बिभिन्न उपकरण एवं सामग्री प्रदर्शन गरेका थिए । भक्तपुर, काभ्रेलगयात उपत्यकाका बिभिन्न ६७ बिद्यालयलाई मिड भ्याली कलेजले उपकरण एवं सामग्री निर्माणमा एवं प्रदर्शनी गरेवापत् प्रत्येक सहभागि ६७ बिद्यालयलाई छहजारका दरले नगद प्रदान गरेको थियो । प्रदर्शनीमा उपत्यकाभित्रका ६७ बिद्यालयका बिद्यार्थीद्वारा निर्मित ९३ उपकरण एवं सामग्री राखिएका थिए । प्रदर्शनीमा बिभिन्न बिद्यालयमा अध्ययनरत बिद्यार्थीले विज्ञान र सूचना प्रविधितर्फको नविनम प्रयोगलाई जोडदिँदै निर्माण गरेका स्मार्ट सिटी, वाटर सिष्टम, वाटर पोलुसन, स्मार्ट होम, सौर्य ऊर्जा, स्वास्थ्य, भवन निर्माणलगायतका बिभिन्न उपकरण एवं सामग्री प्रदर्शन गरिएको थियो । दुई दिनसम्म सञ्चालन भएको प्रदर्शनीको १० हजारभन्दा बढी बिद्यार्थीले अवलोकन गरेका थिए ।
