काठमाडौं, १४ वैशाख । भारी वर्षासँगै आएको बाढीले पुल बगाउँदा भोजपुर–चखेवा सडक पूर्णरुपमा बन्दभएको छ । भोजपुर नगरपालिका–५, बोखिमस्थित चाल्से खोल्सामा गत शनिबार राति आएको बाढीले मोटरेबल पुल बगाएपछि उक्त सडक खण्डमा यातायात सेवा ठप्पबनेको हो । बहाव तीव्र भएका कारण बाढीले पुल बगाएको स्थानीयले बताए । पुल बगेसँगै मध्यपहाडी लोकमार्गसँग जोडिने यो सडक खण्ड अवरुद्धहुँदा दैनिक आवतजावतमा समस्या भएको छ ।
उक्त सडक बन्द भएपछि स्थानीय उत्पादन बजारसम्म पु¥याउन समस्या भएको छ । सडक अवरुद्धहुँदा स्थानीयवासी प्रत्यक्ष रुपमा प्रभावित भएका छन् । बिरामी ओसारपसार, विद्यालय जानआउन तथा दैनिक उपभोग्य सामग्री ढुवानी गर्न समस्या भएको भोजपुर नगरपालिका–५ का वडाध्यक्ष फविन्द्र प्रधानले जानकारी दिनुभयो । उहाँले बाढीले पुल बगाएपछि वैकल्पिक उपाय खोज्दै छौँ, अस्थायीरुपमा सडक सञ्चालनगर्ने प्रयासमा छौँ भन्नुभयो ।
सडक डिभिजन कार्यालय तुम्लिङटारले प्राविधिक टोली खटाएको जनाएको छ । टोलीले क्षतिको स्थलगत अध्ययन गरिरहेको र अस्थायी रुपमा सडक सञ्चालनगर्ने विकल्पबारे छलफल गरिरहेको छ । डोजर तथा अन्य उपकरण प्रयोग गरी सडक मर्मत तथा वैकल्पिक बाटो निर्माणको प्रयास भइरहेको छ । रासस
