काठमाडौं,११ । एमालेको प्रतिनिधि चयनको पूर्वसन्ध्यामा सो पार्टीकी पूर्ब उपाध्यक्ष तथा पूर्ब राष्ट्रपति बिद्या भण्डारीमा छटपटी बढेको देखिएको छ । उहाँले आज बिहीबार बिहानै पार्टी सदस्यहरुलाई अपिलगर्दै पार्टीलाई अग्रगतितर्फ अघिबढाउन यो महाधिवेशन पूर्ण रुपमा सफल हुने विश्वास व्यक्त गर्नुभएको छ । उहाँले बक्तब्यमा आफूले दुइवर्ष अघिनै विधानसम्मत ढंगले नवीकरण गरिसकेको मेरो पार्टी सदस्यतालाई नेतृत्वले अनुचित तरिकाले रोकेको कारण, म स्वयंको यो महाधिवेशनमा भौतिक उपस्थिति नभए तापनि पार्टी परिवारको अभिन्न सदस्यको हैसियतले म तपाईंहरुका साथ निरन्तर रहनेछु भन्नुभएको छ ।
महाधिवेशन पार्टीका नेता, कार्यकर्ता र सदस्यहरुको लागि नीति तथा नेतृत्व निर्माणमार्फत सामाजिक–आर्थिक रुपान्तरणतर्फ सिंगो पार्टीलाई मार्गदर्शनगर्ने ऐतिहासिक अवसर भएकाले यो आम जनताकोसमेत महत्त्वपूर्ण सरोकारको विषय रहेको उहाँको भनाइ छ । उहाँले बक्तब्यमा विशेष परिस्थितिका कारण निर्धारित समयावधिभन्दा एक वर्षअघि नै हुनगइरहेको यस महाधिवेशनमा बैचारिक तथा राजनीतिकरुपले परिपक्व नेता तथा कार्यकर्ता, उर्जाशील एवं अनुशासित युवा पुस्ता र बिभिन्न क्षेत्रको सन्तुलित प्रतिनिधित्व सुनिश्चित हुनेगरी महाधिवेशन प्रतिनिधि छनोटमा सम्पूर्ण पार्टी पंतिले उच्च जिम्मेवारीका साथ ध्यान दिनेनै छ भन्नुभएको छ ।
