रेक्जाभिक, १२ मंसिर । उत्तर एटलान्टिक सन्धि संगठन (नेटो) का महासचिव मार्क रुटले युक्रेनमा जारी युद्ध अन्त्यका लागि अमेरिकी राष्ट्रपति डोनाल्ड ट्रम्पको प्रयासको प्रशंसा गर्नुभएको छ। आइसल्याण्ड भ्रमणका क्रममा रुटले शान्ति प्रक्रियामा नयाँ ऊर्जा छ, र यसका लागि म अमेरिकी राष्ट्रपति ट्रम्पको प्रशंसागर्न चाहन्छु भन्नुभयो । रुस, युक्रेन, वाशिंटन र युरोपका अधिकारीहरुले जेनेभादेखि अबुधाबीसम्मको वार्तामा सर्तहरु तयार पारेसँगै अमेरिकाले प्रस्तावित युद्धविरामले वार्ताको नयाँ सम्भावना ल्याएको छ । वाशिगटनले आफ्नो पछिल्लो योजना प्रकाशित गरेको छैन, तर ट्रम्पले यसलाई अघिल्लो २८ बुँदे प्रस्तावको संशोधन भन्नुभएको छ ।
अमेरिकाको २८ बुँदे प्रस्तावलाई किएभ र उसका युरोपेली सहयोगीहरुले क्रेमलिनको इच्छा–सूचीको रुपमा अस्वीकार गरेका थिए । क्रेमलिनले अद्यावधिक गरिएको केही योजनालाई ‘सकारात्मक’ रुपमा हेरेको बताएको छ, तर अन्य बुँदाहरुमा थप छलफल आवश्यक रहेको बताएको छ । युक्रेनका राष्ट्रपति भोलोदिमिर जेलेन्स्कीले यस योजनाका सिद्धान्तले गम्भीर सहमतिगर्न सक्ने बताउनुभएको छ । युद्धविराम र शान्ति वार्ता सम्बनधमा छलफल गर्न रुसी राष्ट्रपति भ्लादिमिर पुटिनसँग भेट्न अमेरिकी विशेष दूत स्टिभ विटकोफ अर्को साता मस्को जाने कार्यक्रम तयभइसकेको छ । रासस,एएफपी
