काठमाडौं,२६ पुस । आगामी माघ १ गतेदेखि नगद कारोबारको सीमा पाँच लाख बराबरको हुनेभएको छ । नेपाल राष्ट्र बैंकले बैंक तथा वित्तीय संस्थालाई जारीगरेको एकीकृत निर्देशनमा सो व्यवस्था गरिएको छ । पाँच लाखभन्दा बढीको रकम भुक्तानीगर्दा अनिवार्य रुपमा एकाउन्टपेयी चेक वा सम्बन्धित व्यक्तिको खातामामात्र भुक्तानी गर्नुपर्नेछ । कुनै फर्म, कम्पनी, संस्था वा कार्यालयको नाममा खिचिएका चेकको भुक्तानीसमेत एकाउन्टपेयी हुनुपर्ने व्यवस्था गरिएको छ । प्राथमिकता प्राप्त पूर्वाधार आयोजनाहरु, जलविद्युत्, सडक, सञ्चारजस्ता क्षेत्रका कर्मचारी, श्रमिकको पारिश्रमिक ज्याला भुक्तानीगर्न भने समस्या नपर्ने केन्द्रीय बैंकले प्रष्ट पारेको छ ।
यस्तै, विभिन्न आयोजनामा आवश्यक मालसामानको आपूर्ति गर्न, सरकारलाई बुझाउनुपर्ने राजश्व भुक्तानीगर्न, बिगो धरौटी जमानत रकम जम्मागर्न, पेन्सन क्याम्प मार्फत पेन्सन वितरणगर्न कुनै समस्या हुने छैन । सरकारले वितरणगर्ने राहत अनुदान सहायता वितरण गर्न, विप्रेषण कम्पनी, एजेन्टले विप्रेषण प्राप्तगर्ने व्यक्तिलाई रकम भुक्तानीगर्न पनि केन्द्रीय बैंकको पछिल्लो व्यवस्थाले कुनै वाधा गर्ने छैन । बचत तथा ऋण सहकारी संस्थालाई आफना सदस्यसँगको दैनिक कारोबारको भुक्तानी नगदमागर्न सकिनेछ ।
सरकारले गत मंसिर १५ गते नै नगद कारोबारको सीमा रु पाँच लाखमा सीमित गर्ने निर्णय गरेको थियो । अर्थ मन्त्रालयले गत बिहीबार सोसम्बन्धी व्यवस्थाको सूचना राजपत्रमा प्रकाशित गरेको थियो । रासस
