वाशिंटन, २८ फागुन । अमेरिकी राष्ट्रपति डोनाल्ड ट्रम्पले इरानसँगको युद्ध चाँडै अन्त्य हुने खुलाशा गर्नुभएको छ । ‘अपरेसन एपिक फ्युरी’ नाम दिइएको अमेरिकी–इजरायली संयुक्त सैन्य अभियानले इरानको मिसाइल क्षमता र नौसेनालाई नष्टगर्न र आणविक हतियारको कुनैपनि मार्ग तोड्न आफ्नो युद्धको १२ औँ दिनमा प्रवेश गरिसकेपछि एक्सियोससँगको करिब पाँच मिनेट लामो संक्षिप्त फोन संवादमा ट्रम्पले उक्त टिप्पणी गर्नुभएको हो । ट्रम्पले कुनै पनि बेला म यो अन्त्य गर्न चाहन्छु, यो छिट्टै अन्त्य हुने भन्नुभएको छ।
एक्समा पोस्ट गरिएको एक भिडियोमा अमेरिकी केन्द्रीय कमान्डका नेता एडमिरल ब्राड कूपरले भन्नुभयो–अमेरिकी सेनाले फेब्रुअरी २८ मा तेहरान विरुद्ध अभियान शुरुगरेदेखि इरानमा पाँचहजार ५०० भन्दा बढी लक्ष्यहरुमा आक्रमण गरेको छ, जसमा ६० भन्दा बढी जहाजहरु पनि रहेका छन् । अन्तर्वार्ताकाक्रममा ट्रम्पले युद्ध ‘राम्रोसँग चलिरहेको’ बताउनुभएको थियो । उहाँले हामी समय तालिकाभन्दा धेरै अगाडि छौँ । सोचेको मूल छ हप्ताको अवधि भन्दापनि छोटो समयमा भन्दा हामीले बढी क्षतिगरेका छौँ भन्नुभएको थियो । इरानले ४७ वर्षसम्मको मृत्यु र विनाशको मूल्य अहिले चुकाइरहेको पनि राष्ट्रपति ट्रम्पले बताउनुभएको थियो । उहाँले यो भुक्तानी हो। तिनीहरु त्यति सजिलै बाहिर निस्कने छैनन् भन्नुभयो । रासस,योन्हप
